Rinia e Tetovës reshtohet pas BDI-së , mbi 400 anëtarësime të reja në katër këshilla vendorë

Vetëm në katër këshilla vendorë në Tetovë janë regjistruar 400 të rinj në BDI, falë kryesisë së re në krye me Florin Besimin, Kryetar i Degës së Bashkimit Demokratik për Integrim në Tetovë .Besimi erdhi pak muaj më parë në Kuvendin e partisë më të madhe shqiptare në kuadër të zgjedhjeve brenda partiake informon Tetova sot.

Koordinatori Valmir Aziri mbrëmë në Xhepçisht u shpreh se BDI në Tetovë po rritet dhe çdo ditë po vijnë të rinjë që i bashkohen partisë së Ali Ahmetit.

Rinia e Reçicës së Madhe e nisi uraganin i cili siç duket nuk ndalet. Ajo vazhdoi në Sellcë dhe më pas në lagjen Teteks ndërsa mbrëmë në Xhepçisht ku bashkërisht po vulosin fitoren e madhe të 12 Prillit.

Dega më e madhe e BDI-së siç ka komentuar Valmir Aziri pritet të jetë edhe më e fuqishme se vitet e kaluara falë një bashkëpunimi të madh me FR -BDI ku dera e BDI-së tani më është e hapur për anëtarësime të rinisë që i besojnë politikave të Ali Ahmetit dhe vizionit të tij.
Ndryshe koordinimet për zgjedhjen e kryetarëve të nëndegëve do të vazhdojnë edhe ditëve në vijim, ku me 12 Prill do të korrin fitoren e 18 me radhë .Ts.mk